Menu
Mostra algúns dos filmes máis importantes do mundo, tanto aqueles que foron aclamados pola prensa e atraeron a atención dos festivais, como outros que AMBIENTA e AVANTE LGBT+ descubriron e que recomendan ao público. Unha selección de películas que se mergulla na sociedade contemporánea e o rumbo da mesma.
*En colaboración con AVANTE LGBT+
Explora as distintas vías de representación do colectivo desde unha
aproximación honesta ás necesidades, triunfos e cotiandade da comunidade LGBTIQA+. Proposta de filmes documentais que nos achegan ao pasado, presente e perspectivas de futuro das persoas que viviron e viven alén da cisheternonorma,
*En colaboración con CINEMATECA PEDRO ZEROLO
Achega as distintas realidades do colectivo LGBTIQA+ nun formato que esperta un gran interese por parte do público, con historias contadas en non máis de 30 minutos.
*En colaboración con FIC BUEU.
Recupera títulos importantes que nos axudan a descubrir a presenza do colectivo na historia do cinema e como foi a representación do mesmo ao longo do tempo a través da sétima arte.
*En colaboración co CINECLUBE de Pontevedra.
Acto de presentación de AMBIENTA, Mostra Internacional de Cinema LGBTIQA+ de Pontevedra, que inclúe a estrea do videoclip EDUARDITA, producido por Laura Cadenas Amandi, Enzo Sarmiento e Éric Dopazo.
Proxección de A PRIMEIRA MORTE DE JOANA (Brasil) Dirección: Cristiane Oliveira Reparto: Letícia Kacperski, Isabela Bressane, Joana Vieira, Lisa Gertum Becker, Pedro Nambuco, Graciela Caputti, Rosa Campos Velho e Emílio Speck.
Proxección de ÉTÉ 85 (Francia), do director François Ozon
'Verán do 85' é a décimo novena longametraxe dirixida e escrita por François Ozon'. A película está ambientada no verán de 1985, na costa de Normandía. Un adolescente de 16 anos pasa uns días de descanso nun resort de luxo, propio das clases medias que aspiraban a un estilo de vida burgués. En plena mocidade, é habitual vivir moitas aventuras no cruceiro, aproveitar para facer deportes acuáticos. Pero non, o mozo fai un pacto de amizade co seu mellor amigo, un xuramento de por vida...
Encontro con Carla Antonelli, actriz, política, activista trans e impulsora de TRIÁNGULOS ROSAS, documental que narra a historia de tres mulleres trans residentes en Tenerife que loitaron durante décadas polos seus dereitos e por seren recoñecidas pola súa identidade real.
TRIÁNGULOS ROSAS
(España 2021, 90’, V.O.E.)
Borja Lynch
Triángulos rosas é un documental que narra a historia de tres mulleres transexuales de Tenerife, Terri León, Dona Hernández e Marcela Rodríguez, que loitaron durante décadas polos seus dereitos e por ser recoñecidas pola súa identidade real.
Os padriños de Tokio
(O Xapón 2003, 88’, Animación, V.O.S.E.) Dirixida por Satoshi Kon, Shôgo Furuya
É Nadal e a neve cobre a cidade de Tokio coa súa manta branca. Nalgún lugar de Shinjuku atopamos a tres persoas sen fogar: Gin, Hana e Miyuki. Unha noite escoitan uns choros que saen dun montón de lixo e atopan un bebé anxo. Gin insiste en levalo á policía e en que se ocupen del. Porén, Hana, que sempre tivo a ilusión de ter un bebé, non quere deixalo a ninguén e que sexan eles os que buscan aos pais. Así se embarcan estes tres amigos na aventura de atopar á familia do bebé...
*En colaboración con Cineclube Pontevedra
7 notas, 7 cores: “Petardeo” e música de cine con Palito DJ
ENSOM COWGIRL (Vaqueira solitaria) (Dinamarca 2021, 19’ V.O.S.E.) Gina Kippenbroeck
SON OF SODOM (Fillo de Sodoma) (Colombia 2020, 15’ V.O.E.) Theo Montoya
VICTORIA
(España 2020, 8’, V.O.E.) Daniel Toledo
DUSTIN
(Francia 2020, 20’, V.O.S.E.) Naïla Guiguet
MARLON BRANDO
(Países Baixos 2020, 19’, V.O.S.E.) Vicent Tilanus
AMBIENTA recolle o testemuño do FLOP Cinema que cada verán desde 2018 se ven celebrando en Pontevedra coincidindo co Día Internacional do Orgullo LGBTIQA+ cada 28 de xuño.
AMBIENTA nace para seguir poñendo o acento no cinema como arte e como vehículo. Como reflexo de distintas épocas e sensibilidades que nos axuda a poñer as gafas violetas, as gafas de clase ou como neste caso, as gafas do arco da vella para seguir construíndo unha sociedade onde a diversidade sexa un dos valores fundamentais e un lugar de encontro, cultura e socialización arredor do cinema para gozar en liberdade do espazo público da cidade.
En 1942, nun tren que se dirixe a ningunha parte, unha antiga drag queen rememora unha noite pasada nun dos primeiros bares queers de París. O eco dos comentarios dos clientes evocan este bar mítico e ao seu misterioso dono, un xudeu arxelino.
*Gañador da Queer Palm en Cannes 2022
Tras regresar á súa cidade natal na procura de si mesmo, un xove director de cinema chinés ten unha conversa coa súa nai longamente aprazada que mergulla a ambos na procura da aceptación e do amor.
Pode un corpo ser unha casa? Que é un fogar?
‘Habitar’ trata de responder a estas preguntas sobre a construción das nosas identidades a través do retrato íntimo de persoas transxénero e non binarias de Galicia.
Ambientado en Nairobi, esta curta segue á parella do mesmo sexo Shee e Magnus mentres sofren as consecuencias dun embarazo inesperado.
*Premio no Festival de Sundance a mellor dirección para Marija Kavtaradze.
Elena imparte clases de baile, mentres que Dovydas traballa como intérprete de lingua de signos. No momento no que se coñecen establécese un fermoso vencello entre eles. Porén, a súa relación será posta a proba cando Dovydas lle confese a Elena que ten sentimentos románticos por ela, pero que é asexual, polo que non sente e nunca sentiu desexo sexual por outra persoa.
*Premio Cesar a mellor actor revelación para Pierre Deladonchamps, mellor dirección no 66 Festival de Cannes para Alain Guiraudie, Giraldillo de Oro no Festival de Cine Europeo de Sevilla a mellor filme e mellor fotografía para Claire Mathon.
Verán. Un lugar para ligar exclusivo para homes oculto na beira dun lago. Franck namora de Michel, un home atractivo e forte, pero mortalmente perigoso. Franck sabe todo isto, pero aínda así desexa vivir esta paixón.
*Premio Goya a mellor canción por “Yo solo quiero amor” de Rigoberta Bandini e Premio Feroz ao mellor actor de reparto para La Dani.
Sevilla, 1977. Reme está orgullosa de que o seu fillo Miguel vaia converterse no primeiro universitario da familia. Pero Miguel quere ser artista e cantar nun popular concurso de televisión. Nunha época na que a homosexualidade é delito, Reme descubrirá tamén quen son os novos amigos do seu fillo: o incipiente movemento LGBTI andaluz, xestado paradoxicamente no seo da Igrexa.
